«Զապադլո է, բայց ուրիշ ելք ունե՞նք». Վովա Վարդանով

Այսօր «Հայելի» ակումբում  քաղաքագետ Թեւան Պողոսյանը մենք պետք  է սերունդներով պատրաստ լինենք ադրբեջանի ցանկացած գործողության: «Երկու, երեք օր է՝ լսում ենք, որ ադրբեջանական կողմը «սպայկ» է օգտագործում, եթե օգտագործում է ու որեւէ բան չի լինում, ուրեմն չեմ էլ հասկանում՝ ինչ է նշանակում այս կրակելը: Այսօր Ադրբեջանում սկսել են գործընթացներ տեղի ունենալ, ներքին քաղաքական հարցեր մաքրել մինչեւ ընտրություններ, նոր սերունդ է գալիս, որը փայլուն կրթություն է ստացել ու փորձում է իշխանության մեջ, իրենց երեւույթների մեջ խաղեր տալ, որ միայն ալիեւյան դինաստիան չլինի: Այնտեղի ներքին պայքարից ունենում ենք լարվածության այսպիսի դրսեւորումներ»,-նկատեց Թեւան Պողոսյանը: Ինչպես ասաց՝ մինչ Ժնևյան գագաթաժողովն ու Սարգսյան-Ալիև հանդիպումը, Հայաստանում որևէ մեկը հույս չուներ, որ նախագահները հայ-ադրբեջանական սահմանին խաղաղություն են հաստատելու։ Մյուս բանախոս հետախույզ Վովա Վարդանովն էլ ասաց, որ մենք ենք մեղավոր ստեղծված իրավիճակի համար: «Մենք ենք մեղավորը, որ ՌԴ-ի կարիքն ունենք ոչ միայն որպես զենք արտադրող ու վաճառող շուկայի, այլեւ՝ իրենց զինվորական ուժի, ժարգոնով ասած՝ զապադլո է, բայց ուրիշ ելք ունե՞նք: Ես առաջիններից եմ եղել, որ կրակել եմ սովետական զինվորականների վրա ու եթե պետք լինի, ցանկացածի վրա կկրակեմ, եթե սպառնում է իմ ազգին»,- ասաց նա: