Սպան հիփոթեքով տուն է ստանալու.ինչ է առաջարկվում

ԱԺ-ում ՊՆ նախարար Վիգեն Սարգսյանը ներկայացրեց  «Զինվորական ծառայության եւ զինծառայողի կարգավիճակի մասին» օրենսդրական նախագիծը: «Միայն մայր գումարն է մարելու, որովհետեւ տոկոսները սուբսիդավորվելու են պետության կողմից եւ եկամտահարկի վերադարձի միջոցով հավասարվելու են զրոյի եւ նա 20 տարվա ընթացքում միայն մարելու է մայր գումարը, այն էլ՝ 90 տոկոսը մայր գումարի, որովհետեւ 10 տոկոս կանխավճարը մենք հատուցելու ենք ՊՆ-ի կողմից իր ելքային նպաստի հաշվին: Սա մինչ օրս եղած ամենամատչելի հիփոթեքային ծրագիրն է, որը ենթադրում է, որ ծրագրին միանալու 3-4-րդ տարում սպան ունենալու է իրականում բնակարան եւ կարողանալու է լիարժեք այն տնօրինել: Եթե ծառայում է այլ վայրում, կարող է այդ բնակարանը վարձատրության տալ եւ վարձատրության գումարով մարել բուն մայր գումարը: Այսինքն, սա իրոք ամենամատչելի եւ գրավիչ պայմաններն են»,-նախարարը  մանրամասն ներկայացրեց, թե ինչքան մատչելի պայմաններով հիփոթեքով բնակարան են տալու սպաներին ծրագրում գրանցվելուց հետո: