Պետք է այդ դուխն ունենաս, որ նման փոփոխություններ առաջարկես. Արշակ Զաքարյան
Ռեժիսոր Արշակ Զաքարյանի դիտարկմամբ, ՊՆ նախարար Վիգեն Սարգսյանը զբաղված է բանակը բարելավելու գործով ու իր առաջարկած փոփոխությունները ռիսկային են, քանի որ, ըստ նրա, պետք է այդ դուխն ունենաս, որ նման փոփոխություններ առաջարկես: Անդրադառնալով պարտադիր զինծառայության համար երեք տարի ժամկետ սահմանելու նախաձեռնությանը՝ ասաց. «Սխալ են ընկալել առաջարկությունը: Ունենք Վազգեն Սարգսյանի անվան ինստիտուտ, որտեղ, եթե ասենք, որ գնում են այլ գիտություններից հզոր երեխաներ, սովորելու, խաբած կլինենք մեզ, այդպես չէ, այնտեղ գնում են մարդիկ, որոնք ուրիշ տեղ չեն էլ կարող գնալ…հիմա ինչ է առաջարկվում՝ պայմանագիր ես կնքում, տարեկետում ես վերցնում, սովորում ես, ավարտում ես, բայց հետո պետք է գնաս, որպես սպա ծառայես: Արդեն ինստիտուտն ավարտած, կրթություն ու մասնագիտություն ստացած զարգացած սպաները բարեփոխումներ կմտցնեն բանակում, նրանց հետ էլ հեշտ կլինի»:
Հետևեք մեզ Viber-ում
