Խոշորները ստվերո՞ւմ են. «Իհարկե». Վախթանգ Միրումյան
Ես չգիտեմ, թե տնտեսագետներն ինչ թվեր են վերլուծել, բայց թերի հավաքագրում չունենք: Այս մասին այսօր ասաց Պետական եկամուտների կոմիտեի փոխնախագահ Վախթանգ Միրումյանը: «Մենք նախորդ տարվա նույն ժամանակահատվածի համեմատ ունենք հարկային եկամուտների հավաքագրման 9.4 տոկոս աճ, որը կազմում է շուրջ 74 մլրդ դրամ: Եթե դուք վերլուծեք տնտեսական աճի մեծությունը և համադրեք, կտեսնեք, որ հավաքագրված եկամուտներն ավելի են, քան տնտեսական աճի հնարավոր պոտենցիալն է»,- ասաց Միրումյանը: Ինչպես վստահեցրեց՝ մինչև տարեվերջ հարկային մարմինները նախատեսում են, որ ոչ միայն բյուջեով նախատեսված հարկային եկամուտների մեծությունը կապահովվի, այլ նաև լրացուցիչ վարչարարական ջանքերի հաշվին ավելի հավաքագրումներ կլինեն: Նրա խոսքով՝ հարկային մարմինները չեն նեղում գործարարներին. «Վերցրեք պարզ վիճակագրություն, տեսեք, թե մանրածախ առևտուրը Հայաստանում ինչքան է աճել»,- ասաց նա: Հարցին, թե այդ դեպքում խոշորները ստվերո՞ւմ են, Միրումյանը պատասխանեց. «Իհարկե»:
Հետևեք մեզ Viber-ում
