Ալիկ Սարգսյանը՝Վովա Գասպարյանի հրաժարականի նախադրյալների մասին

«ՀՀ նախագահ Սերժ Սարգսյանի՝ երեկ ոստիկանության կոլեգիայի նիստում ունեցած ելույթը կառուցողական, ռեալ իրողությունը ներկայացնող խոսք էր:  Ե՞րբ է ոստիկանությունը բացարձակ գովասանքի արժանացել կամ ե՞րբ է ոստիկանության գնահատականը միանշանակ գերազանց եղել: Նման բան ես երբեւիցե չեմ հիշում: Ոստիկանությունն իր գործառույթներն իրականացնելիս, բնականաբար, պետք է նաեւ ունենա բացթողումներ՝ ոչ իր կամքից ելնելով: Ոստիկանության աշխատանքը շատ բարդ է եւ հարյուր տոկոսով իրագործել բոլոր գործառույթները հնարավոր չէ: Բնականաբար, նախագահն էլ ճիշտ ներկայացրեց թերությունները, ի ցույց դրեց թերությունները, ինչու ոչ նախազգուշացրեց, որ ոստիկանությունն իր հետագա գործունեության ընթացքում բացթողումները գոնե նվազագույնի հասցնի»,- ԱԺ-ում լրագրողների հետ զրույցում նշել է ՀՀԿ խմբակցության պատգամավոր, նախկին ոստիկանապետ Ալիկ Սարգսյանը: «Ես  նման տպավորություն չեմ ստացել: Չեմ  կարծում, թե դրանով ՀՀ ոստիկանապետ Վլադիմիր Գասպարյանի հրաժարականն են պատրաստում.  Ես դրա նախադեպը չեմ տեսել, ոչ էլ ելույթից եզրակացրել եմ, որ դա վերաբերվում էր Վովա Գասպարյանի հրաժարականին»,-դիտարկմանը, որ ՀՀ նախագահի խոսքից կարելի էր տպավորություն ստանալ, որ ոստիկանությունն անգործության է մատնված եւ ելույթը կարծես նման էր ՀՀ ոստիկանապետ Վլադիմիր Գասպարյանի հրաժարականի նախապատրաստման,նման կերպ արձագանքեց  Ալիկ Սարգսյանը: