«Քիթ քչփորել և փող աշխատել. սա է իշխանությունների գործը».ռեժիսոր

«Քիթ քչփորել և փող աշխատել. սա է իշխանությունների գործը:Ժողովրդին պետք է տեր կանգնել»,-Հայելի ակումբում հրավիրված ասուլիսում հայտարարեց «Հոգևոր Հայաստան» նախաձեռնության անդամ,ռեժիսոր Խաչիկ Չալիկյանը: Ռեժիսոր Խաչիկ Չալիկյանը երգահան Եղիշե Պետրոսյանի ու նկարիչ Արթուր Օշականցու հետ ազդարարեց «Հոգևոր Հայաստան» նախաձեռնության գործունեության մեկնարկը։ Հոգևոր Հայաստանը նախ հոգևոր դաշտ պետք է ձևավորի. ով ունի ասելիք, նախաձեռնությունը պատրաստ է լսել ու քննարկել։Առաջիկա ամիսներին կկազմակերպվեն կլոր սեղաններ՝ գտնելու ուղիները, որ կարող են ժողովրդին համախմբել։ «Այլասերված ընտրություններն ու պետականաշինությունը հասցրեցին նրան, որ մենք չունենք քաղաքական դաշտ,- ասաց Եղիշե Պետրոսյանը: Լավ, Սասնա ծռերին դնենք մի կողմ, բա Գևորգ Սաֆարյա՞նը՝ այդ լուսավոր տղան ինչո՞ւ է նստած, սա պետական պատվեր է, որ ոչինչ հանկարծ չծաղկի, ոչինչ չխանգարի նրանց անդորրը, իսկ իրենք իրենց շատ կոմֆորտի մեջ են զգում»։