Ինչ է վերապահվելու վարչապետին. մանրամասներ

ԱԺ-ում  «Պաշտպանության մասին» առաջարկվող ՀՀ օրենքով նախատեսվում է զորակոչի անցկացման լիազորության փոխանցում ՀՀ ՊՆ-ին։   ՀՀ ԱԺ պաշտպանության և անվտանգության հարցերի մշտական հանձնաժողովի նախագահ Կորյուն Նահապետյանը հետաքրքրվեց ՀՀ պաշտպանության նախարար Վիգեն Սարգսյանից, թե արդյունքում ինչպիսի՞ համակարգային և կառուցվածքային փոփոխություններ են կատարվելու զինկոմիսարիատներում։ «Պարզ է, որ այստեղ լրջագույն կառուցվածքային փոփոխություններ պիտի լինեն», - նշեց Կորյուն Նահապետյանը։ «Արդեն իսկ պատրաստ է զինկոմիսարիատների բարեփոխումների հայեցակարգը։Այն ենթադրում է զինկոմիսարիատների թվի կրճատում, խոշորացում, հնարավորությունների ավելացում, դրանց բացազատման սխեմաների սահմանում պատերազմական վիճակի համար և դրանցում քաղաքացիական հաստիքների թվի ավելացում:Նախատեսվում է տեղական ինքնակառավարման և տարածքային կառավարման մարմինների հետ զինկոմիսարիատների շատ ավելի սերտ փոխգործակցություն ծավալել », - նշեց պաշտպանության նախարարը։ Ազգային ժողովի Պաշտպանության և անվտանգության հարցերի մշտական հանձնաժողովի նիստում այսօր քննարկման ներկայացվեց «Պաշտպանության մասին» օրենքի նախագիծը: Հիմնական զեկուցող, ՀՀ պաշտպանության նախարար Վիգեն Սարգսյանը ներկայացրեց, որ օրենքի նախագիծը քննարկման տարբեր փուլեր է անցել և երեք հիմնակնա նպատակ է հետապնդումՙ առաջինը համապատասխանեցում բարեփոխված Սահմանդրությանը, երկրորդ խնդիրն է վերանայել դաշտըՙ կարգավորելով ոլորտի բազամթիվ օրենքները և երրորդըՙ նոր քաղաքականությունների ներդրման հիման վրա օրենքի առաջադրումը: Նախարար Սարգսյանը նշեց, որ բոլոր լիազորությունները ԶՈւ ղեկավարելու  պատերազմի ժամանակ վերապահված է վարչապետին, ով Գերագույն հրամանատարն է, իսկ ամենատարբեր այն հարցերը, որոնք չեն կարագավորում վարչապետի կողմից, ավտոմոտա հասցեագրվում են ՊՆ-ի վրա: