«Մենք այսօր էլ պատրաստ ենք գնել իրանական գազ». նախարար
ՀՀ էներգետիկ ենթակառուցվածքների ու բնական պաշարների նախարար Աշոտ Մանուկյանը, պատասխանելով Իրանից և Ռուսաստանի Դաշնությունից գազ գնելու հարցին, ասաց, որ Հայաստանը գազ գնելու երկու կետ ունի, և պետք է գնենլ այն կետից, որն ավելի էժան է: «Իրանի հետ այսօր ունենք էլեկտրաէներգիա՝ գազի դիմաց ծրագիրը, որը չափազանց շահավետ ծրագիր է երկու կողմերի համար։ Այդ ծրագրից հրաժարվելն ուղղակի մանկամտություն կլիներ, այն պետք է լինի և շարունակվում է»,- ասաց նա։ 2019 թվականին շահագործման կհանձնվի Հայաստան-Իրան երրորդ բաձրավոլտ գիծը, ինչով Հայաստանը հնարավորություն կստանա ավելի մեծ ծավալով էլեկտրաէներգիա փոխանցել Իրան և ավելի մեծ ծավալով գազ ներկրել Հայաստան։ «Մենք այսօր էլ պատրաստ ենք գնել իրանական գազ, եթե դրա գինը պակաս կլինի ռուսական գազի գնից»,- ասաց նախարարը՝ նշելով, որ Իրան-Հայաստան գազամուղը ֆիզիկապես ավարտվում է Արարատում։
Հետևեք մեզ Viber-ում
