Հաշվարկել են Կալիֆոռնիայում անտառային հրդեհներից վնասի չափը

Նահանգի ապահովագրական դեպարտամենտից ապահովագրության կոմիսար Դեյվ Ջոնսը հայտնել է,որ  ԱՄՆ-ի Կալիֆոռնիայի նահանգում անտառային հրդեհներից վնասը կազմել է 1,045 մլրդ դոլար: Սաստիկ անտառային հրդեհները հոկտեմբերի սկզբին ընդգրկել էին Կալիֆոռնիայի մի քանի օկրուգներ: Շուրջ 100 հազար մարդ տարհանվել էր վտանգավոր գոտիներից: Հաղորդվում էր, որ կրակի ճարակած տարածքն գերազանցել է ԱՄՆ-ի խոշորագույն քաղաքի՝ Նյու Յորքի մակերեսը: Անցած շաբաթ իշխանությունները հայտարարել էին, որ բեկում է տեղի ունեցել կրակի դեմ մղվող պայքարում, առանձին շրջաններում մարդիկ կարողացել են վերադառնալ իրենց տներ: «Սպասվում է, որ թվերը կմեծանան, քանի որ ավելի ու ավելի շատ հայտարարություններ են ստացվում վնասների մասին, բայց, ըստ նախնական տվյալների, վնասը կազմել է 1,045 մլրդ դոլար: Կալիֆոռնիայում հրդեհների զոհ է դարձել 42 մարդ »,- նշվում է ապահովագրական դեպարտամենտի կայքում: