Ինչ կետ կա ՀՀ-ԵՄ համաձայնագրում հայկական ատոմակայանի փակման մասին

«ՀՀ-ԵՄ համաձայնագրում հայկական ատոմակայանի փակման մասին խոսք չկա:Կա ատոմակայանի գործող էներգաբլոկի ապագործարկման մասին այն համատեքստում, որ Հայաստանի էներգետիկ անվտանգությունը ենթադրում է ատոմային էներգիայի խաղաղ պայմաններով զարգացման հնարավորություններ», -լրագրողների հետ հանդիպմանն ասաց Էներգետիկ ենթակառուցվածքների և բնական պաշարների նախարար Աշոտ Մանուկյանը։ «Կառավարության դիրքորոշումն այս հարցում չափազանց հստակ է։Ատոմակայանի գործող էներգաբլոկի ռեսուրն անվերջ չէ, կաշխատի այնքան, որքան ռեսուրս կունենա, և այդ ռեսուրսը կբավարարի բլոկն անվտանգ շահագործելու համար։ Դրանից հետո այն կապագործարկվի, փոխարենը կկառուցվի նոր էներգաբլոկ։ Սա ակնհայտ է և կառավարության դրքորոշումն է», - նշեց էներգետիկայի նախարարը։ «Նոր ատոմակայանի կառուցումը խնդրահարույց է։Վստահ եմ, այն կկառուցվի: Բոլորովին այլ հարց է, թե ինչ հզորությամբ: Այս հարցերի պատասխանը կտանք երկու տարվա ընթացքում», - ասաց նախարարը։