Համար մեկ խնդիրը գտնվում է Հանրապետության հրապարակի թիվ 1 շենքում․ նա պետք է հեռացվի․ Բագրատ Սրբազան (video)

Բոլոր քաղաքական ուժերին հրավեր է եղել, թեպետ ասել են՝ ինչ կարիք կա այդքան մեծ թվով մարդիկ մասնակցեն, բայց այս պարագայում փոքր ու մեծը կարևոր չէ, որովհետև մենք ասել ենք, որ սա անգույն, բայց բոլոր գույները միասին շարժում է․ քաղաքական ուժերի հետ հանդիպմանը հայտարարեց Բագրատ Սրբազանը։

Սրբազանն ասաց, որ շարժումը եկել է հասել մի հանգրվանի, որ այլևս հետևանքները չեն, որ առաջնային են, թեպետ կարևոր են։

«Պատճառը մեկն է՝ գտնվում է Հանրապետության հրապարակի թիվ մեկ շենքում և այդ պատճառը պետք է լուծվի։ Եվ մենք հստակ դրել ենք նշաձողը՝ մի քիչ ավելի կամ պակաս, բայց պետք է լուծվի և այդ խոչընդոտը պետք է հեռացվի կամ հեռանա»,-ասաց նա։

Սրբազանը նշեց՝ ինչ ճանապարհներով պետք է հեռացվի։

«Մենք առաջարկել ենք, որ ամեն ինչ պետք է լինի ընկալելի, օրինական, իրավական ճանապարհով»,-ասաց նա։