Մեդվեդևը գալիս է Երևան. «առանձնահատուկ» նիստ է սպասվում՝ թեժ օրակարգերով
«Հրապարակ» օրաթերթը գրում է. «Մեր տեղեկություններով` Դմիտրի Մեդվեդևը Հայաստան կժամանի հոկտեմբերի 24-ին` մասնակցելու 24-25-ը Երևանում տեղի ունենալիք ԵԱՏՄ անդամ երկրների վարչապետերի նիստին։ Տեղի կունենան ոչ միայն ընդլայնված կազմով նիստեր, այլև «տետ ա տետ» հանդիպումներ հայկական կողմի, Կարեն Կարապետյանի և մյուս վարչապետերի հետ: Նախատեսված է նաև Սերժ Սարգսյան-Դմիտրի Մեդվեդև հանդիպում: Երևանում տեղի ունենալիք ԵԱՏՄ նիստի առանձնահատկությունները «պայմանավորված» են ոչ միայն նոյեմբերին Հայաստան-ԵՄ ստորագրվելիք «համաձայնագրով», այլև Ղրղզստան-Ղազախստան սահմանային վեճով. Ղրղզստանի նախագահ Աթանբաևը պատրաստվում է ԵԱՏՄ արտահերթ նիստ հրավիրել: Երևանյան նիստից հետո, ըստ ավանդական ձևաչափի, ասուլիս կտան Տիգրան Սարգսյանը և վարչապետերից որևէ մեկը` կախված նիստի օրակարգից: Մեդվեդևն ասուլիսին չի մասնակցի»: Մանրամասները՝ «Հրապարակ» թերթի այսօրվա համարում:
Հետևեք մեզ Viber-ում
