Այս հարցում Հայաստանն ու ԵՄ-ն տարաձայնություններ չունեն. Խոսրով Հարությունյան
ՀՀ ԱԺ տնտեսական հարցերի մշտական հանձնաժողովի նախագահ Խոսրով Հարությունյանն այսօր նշել է, որ 2008-ին առկա էր բարվոք իրավիճակ սոցիալական պաշտպանության առումով, սակայն, երբ 2009-ին ՀՆԱ-ի 14 տոկոսանոց անկում գրանցվեց, եկամուտները էապես նվազեցին, իսկ սոցիալական պարտավորությունները չնվազեցին: «Հիմա, եթե մենք պարտք ենք վերցնում, ապա դա պետք է օգտագործվի կապիտալ ծախսերի առաջանցիկ տեմպ ապահովելու համար»։ Խոսելով Եվրամիությունից՝ նշեց, որ այն նոր հարցադրում չի հնչեցնում և չի խոսում այն մասին, որ Հայաստանը չի կարող ունենալ իր ատոմակայանը: «ԵՄ-ն խոսում է այն մասին, որ այս գործող ատոմակայանի ռեսուրսը մոտենում է ավարտին և պետք է որոշումներ ունենալ այդ առումով: Այս հարցում Հայաստանն ու ԵՄ-ն տարաձայնություններ չունեն, ավելին` ես ուզում եմ Ձեր ուշադրությունը հրավիրել նրա վրա, որ մենք, ՄԱԳԱՏԷ-ի հետ համաձայնեցված, Ռուսաստանի հետ պայմանավորվածություն ունենք ու աշխատանքներ ենք տանում մինչև 2026 թվականը գործող ատոմակայանի ռեսուրսն ապահովելու ուղությամբ»,-ասաց Խոսրով Հարությունյանը:
Հետևեք մեզ Viber-ում
