Բագրատ Սրբազանը գնահատանքի խոսք հղեց Սփյուռքին ու հորդորեց միասնական լինել

Տավուշի թեմի առաջնորդ Բագրատ արքեպիսկոպոս Գալստանյանը երթի ժամանակ շնորհակալության խոսք հղեց Սփյուռքին՝ հանուն հայրենիքի պայքարին աջակցելու համար և հորդորեց միասնական լինել․

«Մեծ սպասում կա Սփյուռքի մեր հայրենակիցների մոտ։ Շնորհակալություն եմ հայտնում իրենց՝ լիարժեք աջակցության համար։ Հորդորս է միայն՝ այն, ինչ տեղի է ունեցել այս ընթացքում Հայաստանում՝ բաժանումների, պառակտումների, քայքայումների իմաստով, ատելության, թշնամանքի քարոզի, որը ներմուծել են նաև Սփյուռք, շատ եմ խնդրում ձեզ, սիրելի՛ հայրենակիցներ, այդ բոլոր պատնեշները, բարիկադները մի կողմ թողեք, թոթափեք, թույնը թող չքայքայի ձեզ»։