Ադրբեջանը մեղադրել է ՌԴ-ին.Էդմոն Մարուքյան
ՆԱՏՕ-ի ԽՎ-ի հայաստանյան պատվիրակության անդամ Էդմոն Մարուքյանը լրագրողների հետ հանդիպմանն ասաց. «Քանի որ ՌԴ-ն չի մասնակցում այս վեհաժողովի աշխատանքներին, Ադրբեջանի նպատակը եղել է ցույց տալ` ՌԴ-ի բացասական դերակատարումը:Ադրբեջանը փորձում է տանել հակառուսական գիծ ընդդեմ Հայաստանի, բայց դա մանր ժուլիկության է նման`ՌԴ թիկունքում»: «Նրանց բացակայությամբ նման բաներ ասելը, իսկ հետո գնալ «եղբայրական համաձայնագրեր կնքել նրանց հետ»,- Էդմոն Մարուքյանը ծիծաղելի եւ ոչ ազնիվ է համարում: Ադրբեջանը ՌԴ-ից եւ մի շարք այլ երկրներից հարձակվողական զենքեր է ձեռք բերում.նման հակադարձում են ներկայացրել հայ պատվիրակները՝ի պատասխան ՌԴ-ի կողմից Հայաստանին արտոնյալ պայմաններով զենքի վաճառքի մեղադրանքին: «Եվրոպական պատվիրակները ուղղակի հոգնել են այդ, այսպես ասած, բախումներից: Մենք մասնակցում ենք օրակարգային հարցերի քննարկումներին, եթե մեղադրանք հնչում է, իհարկե, պատասխանում ենք, բայց մենք ցույց ենք տալիս, որ մեր խնդիրը Ադրբեջանին արձագանքելը չէ»,- ասաց Էդմոն Մարուքյանը:
Հետևեք մեզ Viber-ում
