Մերկելը եւ Մեյը պայմանավորվեցին
«ՌԻԱ Նովոստի»-ի փոխանցմամբ՝ Մեծ Բրիտանիայի վարչապետի գրասենյակի ներկայացուցիչը հայտնել է,որ Մեծ Բրիտանիայի վարչապետ Թերեզա Մեյը եւ Գերմանիայի կանցլեր Անգելա Մերկելը կիրակի հեռախոսազրույցում պայմանավորվել են քննարկել Իրանի միջուկային համաձայնագրի վերաբերյալ ԱՄՆ նախագահ Դոնալդ Թրամփի որոշումը: «Նրանք պայմանավորվել են դա քննարկել հաջորդ շաբաթ Բրյուսելում՝ Եվրախորհրդում:Կողմերն իրենց հավատարմությունն են հայտնել գործարքի նկատմամբ»,- ասել է նա: «Նրանք համաձայնել են նաեւ, որ միջազգային հանրությունը պետք է համագործակցությունը շարունակի, որպեսզի սահմանափակի տարածաշրջանում ապակայունացմանը միտված Իրանի գործողությունները»,- ասել է Մեծ Բրիտանիայի վարչապետի ներկայացուցիը:
Հետևեք մեզ Viber-ում
