Ջիգարխանյանի կինը նրան Մոսկվայի հիվանդանոցներից մեկում է գտել. դերասանը կոմայի մեջ է եղել

Մի քանի օր առաջ տնից դուրս եկած հայտնի դերասան Արմեն Ջիգարխանյանի կինն ամուսնուն գտել է Մոսկվայի հիվանդանոցներից մեկում: Այս մասին գրում է Life.ru-ն՝ հղում տալով «Mash»-ին: Ամուսինները չեն կարողացել տեսակցել միմյանց: Հայտնի դերասանը դուրս է եկել տնից մի քանի օր առաջ և գրեթե դադարել է կապ պահել կնոջ հետ: Կլինիկա նրան տարել են ծանր վիճակում: «Արմենի մոտ հիվանդության պատճառով երբեմն զայրույթի պոռթկումներ են լինում։ Վերջերս մենք վիճեցինք, և անսպասելիորեն եկան նրա ինչ-որ հին ընկերներ: Արմենն ընկերների հետ գնացել է անհայտ և այլևս չի զանգել ինձ: Ես այդ ժամանակվանից նրան չեմ տեսել, սակայն մեկ անգամ խոսել եմ։ Նա ասել է, որ կսպանի ինձ։ Ես ոչինչ չեմ հասկանում»,- ավելի վաղ ասել էր Վիտալինան։ Ոստիկանները, ովքեր օգնել են դաշնակահարուհի Վիտալինա Ցիմբալյուկ-Ռոմանովսկայային գտնել ամուսնու հետքը, հաղորդել են, որ ոչինչ չեն կարող անել. «Նա պարզապես չի ցանկանում տեսնել»: