2017-ի հունվարից մինչեւ սեպտեմբերի 30-ը հայկական բանակում 45 զինծառայող է մահացել
2017-ի սեպտեմբերի 1-ից 30-ը հայկական զինված ուժերում (ներառյալ Պաշտպանության բանակում) հայտարարվել է մահվան 2 դեպքի մասին։ Կորուստներից երկուսն էլ մարտական են: Այս մասին հայտնում է Ռազմինֆոն: Մարտական կորուստներ • Սեպտեմբերի 1-ին ՊԲ արևելյան ուղղությամբ տեղակայված զորամասերից մեկի պահպանության տեղամասում, ականի պայթյունից մահացել է ՊԲ զինծառայող, 1998թ. ծնված Հայկ Գագիկի Խաչատրյանը: • Սեպտեմբերի 28-ին ՊԲ հարավարևելյան ուղղությամբ տեղակայված զորամասերից մեկի պահպանության տեղամասում հակառակորդի կրակոցից ստացած հրազենային վիրավորումից մահացել է ՊԲ զինծառայող, 1998թ. ծնված Սեյրան Մանվելի Սարգսյանը: Ընդհանուր առմամբ՝ 2017 -ին հունվարի 1-ից սեպտեմբերի 30-ը հայտարարվել է հայկական բանակի 45 զինծառայողի մահվան մասին։
| Ամիս | Մարտական | Ոչ մարտ. | Վիրավոր |
| Հունվար | 3 | 3 | 1 |
| Փետրվար | 3 | 3 | 6 |
| Մարտ | 3 | 1 | 6 |
| Ապրիլ | 2 | 3 | 1 |
| Մայիս | 2 | 6 | 2 |
| Հունիս | 4 | 2 | 17 |
| Հուլիս | 1 | 2 | 5 |
| Օգոստոս | 2 | 3 | 1 |
| Սեպտեմբեր | 2 | 0 | 0 |
| Ընդհանուր | 22 | 23 | 39 |
Հետևեք մեզ Viber-ում
