Նպատակներ՝ըստ Վիգեն Սարգսյանի
Խորհրդարանում մեկնարկել են «Զինապարտության և զինվորական ծառայության մասին օրենսդրական նոր կարգավորումների վերաբերյալ» թեմայով խորհրդարանական լսումներ, որի նպատակն է հանրությանը ներկայացնել օրենսդրական նոր կարգավորումների մասին առաջարկը։ Պաշտպանության նախարար Վիգեն Սարգսյանը նշեց, որ այս նախաձեռնությունը մի քանի նպատակ է հետապնդում։ «Պաշտպանության և զինվորական ծառայության մասին օրենքներում շատ հաճախ կարելի է հանդիպել օրենսդրական նույն կարգավորումները, հետևաբար անհրաժեշտություն առաջացավ ստեղծել մեկ միասնական օրենսդրական դաշտ»,- ասաց Վիգեն Սարգսյանը և հավելեց,որ նպատակ կա մեկ միասնական օրենսդրական դաշտի ստեղծում, նոր լուծումներ պաշտպանական համակարգում ներդրված «Ես եմ» և «Պատիվ ունեմ» ծրագրերում, զորակոչային ծառայությունների արդիականացում։ Վիգեն Սարգսյանի խոսքով՝ առաջարկվող նոր օրենսդրական կարգավորման հիմքում ընկած է զինծառայողների հասարակական ինտեգրումն ապահովելը, բարձրացնել պահեստազորի արդյունավետությունը, ամրապնդել հանրության վստահությունը Զինված ուժերի հանդեպ։
Հետևեք մեզ Viber-ում
