ԵՄ-ից ակնկալում ենք 26 մլն դոլարի չափով ֆինանսավորում .Դավիթ Լոքյան

ՀՀ տարածքային կառավարման և զարգացման նախարար Դավիթ Լոքյանը լրագրողների հետ հանդիպմանն ասաց ,որ  նոյեմբերի 13-ին Բրյուսելում ստորագրվելիք ՀՀ-ԵՄ Համապարփակ և ընդլայնված գործընկերության համաձայնագրի արդյունքում Հայաստանը Եվրամիությունից ակնկալում է 26 մլն դոլարի չափով ֆինանսավորում համայնքերում տնտեսական ծրագրերի իրականացման և 54 մլն դոլարի չափով փոքր ու միջին ձեռնարկությունների զարգացման համար: «ԵՄ-ի կողմից բյուջետային ելքերն ու ծախսային մասը կարգավորելու պահանջ կա։  Մենք այս միջոցները մեր համայնքերին ուղղելու խնդիրներ ունենք, և ԵՄ-ն մեզ համար չափորոշիչ է սահմանել, որոնք պետք է ֆիքսել համապատասխան ֆինանսական մուտքեր ունենալու համար:Բյուջետային պասիվ հսկողության խնդիր կա, որը գտնվում է նախարարության ուշադրության կենտրոնում », - նշեց նախարարը։ «Մենք խոշորացված համայնքների համար ծրագրային բյուջետավորման անցնելու ձեռնարկ ենք  մշակել, որը  թույլ կտա 2018 թվականից խոշորացված համայնքերին իրենց բյուջեները ծրագրային համակարգով կազմել:Համապատասխան ծրագրում պետք է ֆիքսվեն այն չափելի ցուցանիշները, որոնք պետք է լինեն տարվա վերջում և նոր համապատասխան ֆիանանսական պահանջ դնեն տվյալ համայնքում։ Ենթադրենք, պետք է ջրագիծ կառուցել, դրա համար պետք է տեսնենք, թե ինչպես է այն կառուցվելու, քանի գյուղացի է դրանից օգտվելու, ինչ տնտեսական աճ է բերելու դա, աղքատությունը կրճատվելու է, թե ոչ, նոր հավանություն տալ», - նշեց Լոքյանը և կարևորեց  կարևորեց ԵՄ-ից խոշորացված համայնքներին տրամադրվող աջակցությունը և նշեց, որ դրանց շրջանակում, օրինակ՝ Դիլիջանում, ԵՄ օժանդակությամբ և պետության մասնակցությամբ 6 ավտոբուս է տրամադրվել, կանգառ, ինչպես նաև ծածկված շուկաներ, որոնք համայնքի բոլոր մասերը կապում են Դիլիջանի հետ։