Խոշոր ավտովթար Երևանում. 22-ամյա վարորդը Lexus-ով բախվել է 28-ամյա կին վարորդի Mazda-ի հետնամասին. կան վիրավորներ. ՖՈՏՈՌԵՊՈՐՏԱԺ

Հոկտեմբերի 8-ին, խոշոր ավտովթար է տեղի ունեցել Երևանում: Ժամը 17:15-ի սահմաններում Դավիթ Բեկ փողոցում՝ թիվ 71/2 հասցեի դիմաց, Երևան քաղաքի Ն. Ստեփանյան փողոցի 7 շենքի բնակիչ, 22-ամյա Հարություն Ադիբեկյանը իր վարած Lexus մակնիշի 60 DD 300 համարանիշի ավտոմեքենայով բախվել է Երևան քաղաքի Լյուքսեմբուրգի փողոցի 2-րդ նրբանցքի 6-րդ շենքի բնակիչ, 28-ամյա Աննա Աղաջանյանի վարած Mazda մակնիշի 34 ZC 570 համարանիշի ավտոմեքենայի հետնամասին: Ինչպես հայտնում է ֆոտոլրագրող Գագիկ Շամշյնաը, վթարի հետևանքով 2 հոգի տեղափոխվել են «Սուրբ Գրիգոր Լուսավորիչ» բժշկական կենտրոն: Դեպքի վայր են ժամանել Ճանապարհային ոստիկանության 1-ին սպայական գումարտակի ծառայողները: Վթարի մասին ՃՈ օպերատիվ կառավարման կենտրոնի պատասխանատու հերթապահ Կարեն Գյուլումյանը տեղեկությունը փոխանցել է Ճանապարհային ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է հետաքննիչ Գեղամ Ծառուկյանը, ում կողմից փաստի առթիվ նյութեր են նախապատրաստվում: Ոստիկանությունն ու ՃՈ հետաքննչական բաժանմունքը պարզում են վիրավորների ինքնությունը։ Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Սմբատ Պետրոսյանի