«Կեղտոտ ձեռքերով քո եկեղեցի են մտել, բավական չէ, ուզում են խորան բարձրանալ». Գագիկ Գինոսյան
«Կարին» ավանդական երգի-պարի համույթի գեղարվեստական ղեկավար Գագիկ Գինոսյանի կարծիքով Ընտանեկան բռնության կանխարգելման մասին օրենքն ուղղակի ծիծաղելի է: «Այս տեսանկյունից շատ տրամաբանական է այն, ինչ փորձում են անել, պետք է ասեմ, որ ուղղակի ծիծաղելի է, երբ առանձին օրենք է գրվում դրա համար: Այսինքն՝ եթե ես փողոցում եմ ծեծում մարդուն, դա ուրիշ օրենք է, երբ տանն իմ երեխային եմ ծեծում՝ այլ օրենք: Օրենքները կան գրված, ի՞նչ տարբերություն՝ ես իմ երեխային փողոցո՞ւմ եմ ծեծում, թե՞ տան մեջ: Արդեն գրված օրենքի վրա հավելումներ անել, որպեսզի մտնեն քո սրբարանը… Կեղտոտ ձեռքերով քո եկեղեցի են մտել, բավական չէ, ուզում են խորան բարձրանալ: Եթե անգամ օրենքն անցկացնեք, դուք չեք հաջողելու, հայ ընտանիքը պղծել չի հաջողվելու»,- ասաց նա:
Հետևեք մեզ Viber-ում
