«Ծայրահեղ անհեթեթ ձևակերպում է». Դավիթ Հարությունյան
Այսօր հանրային քննարկման է դրվել Ընտանեկան բռնության կանխարգելման մասին օրենքի նախագիծը: Թեմայի շուրջ լրագրողների հետ զրույցում ՀՀ արդարադատության նախարար Դավիթ Հարությունյանն ասաց, որ փորձ է արվում աղավաղել օրենքի էությունը, որը շատ պարզ և հստակ է. «Դա կանխարգելումն ու պաշտպանությունն է: Պատժի մասին խոսում է Քրեական օրենսգիրքը»: «Ծայրահեղ անհեթեթ ձևակերպում է, որ այս օրենքով երեխաներին վերցնելու են ընտանիքներից: Այս օրենքը նաև երեխաների պաշտպանության մասին է: Եթե նայենք վիճակագրությունը, թե քանի դեպքեր ունենք անգամ սեռական ոտնձգությունների, երբ դա տեղի է ունենում ընտանիքի անդամների կողմից, մենք պետք է հասկանանք, որ այդ մարդիկ պաշտպանության կարիք ունեն: Ընտանեկան բռնություն ասելով՝ մենք նկատի չունենք միայն կանանց, թեև նրանք շատ ավելի հաճախ են դառնում ընտանեկան բռնության զոհ: Եթե իրավիճակն այնպես է, որ տվյալ երեխան այլևս չի կարող ապրել այդ ընտանիքում բռնարարի հետ, բնականաբար, պետք է քայլեր ձեռնարկվեն ևրենքի բուն նպատակն ընտանիքը պաշտպանելն է, և ոչ թե՝ ընտանիքը քայքայելը»,- բացատրեց նա: Նախարարի կարծիքով վաղուց հասունացել է նման օրենք ընդունելու պահը:
Հետևեք մեզ Viber-ում
