Բաքուն Մինսկի՞ ց զենք կգնի

Ադրբեջանական լրատվամիջոցների փոխանցմամբ,Ադրբեջանի պաշտպանության նախարար Զաքիր Հասանովը պաշտոնական այցով Բելառուսում է: Այցի առաջին օրը Հասանովն այցելել է պաշտպանական արդյունաբերության ձեռնարկություններ եւ զորավարժարան: Ներկայացվել են ռազմական տեխնիկայի տեսակներ եւ ռազմական նշանակության այլ արտադրանք, որոնք արտադրվում են Բելառուսում: Հասանովը ուշադրություն է դարձրել այն զինատեսակներին, որոնք կարող են ավելացնել Ադրբեջանի ԶՈՒ կարողությունները: Մինսկում Հասանովին ընդունել է Բելառուսի նախագահ Ալեքսանդր Լուկաշենկոն,որի ընթացքում Լուկաշենկոն մի շարք ուշագրավ հայտարարություններ է արել, նշելով, որ Մինսկը որեւէ պահանջ կամ հավակնություն չունի Բաքվի նկատմամբ: Հանդիպման ընթացքում քննարկվել է նաեւ երկկողմ ռազմա-տեխնիկական համագործակցության ընդլայնման եւ խորացմանն առնչվող հարցեր: Երկու երկրներն էլ ինքնիշխան երկրներ են եւ իրավունք ունեն հստակեցնելու, թե կոնկրետ որ ուղղություններով զարգացնեն երկկողմ հարաբերությունները եւ այդպիսով որեւէ կոնվենցիա կամ բանաձեւ չեն խախտում, որը ընդունված է ՄԱԿ կամ ՄԱԿ ԱԽ կողմից,ասել է Լուկաշենկոն: Բելառուսը պատրաստ է աջակցել Ադրբեջանին, որպեսզի վերջինս իրեն զգա ավելի պաշտպանված կայուն եւ հուսալի: Իր հերթին Զաքիր Հասանովը կարեւորել է ռազմատեխնիկական համագործակցությունը Բելառուսի հետ նշելով, որ բելառուսական զենքը հաջողությամբ աշխատում է եւ որակապես բարձր մակարդակի է: Ամենայն հավանականությամբ Բաքուն մտադիր է զենքի մատակարարման համաձայնագիր կնքել Մինսկի հետ: