«Կարեն Քոչարյանն ինձ ասաց՝ կեղտոտ փողեր են». Սամվել Բաբայանի գործով ամբաստանյալ
Սամվել Բաբայանի եւ մյուսների գործով փողերի լվացման դրվագով ամբաստանյալ Դավիթ Հարությունյանն դատարանում նույնպես հրաժարվեց ցուցմունք տալ: Ըստ մեղադրանքի, Դավիթ Հարությունյանը օգնել է ամբաստանյալներից Կարեն Քոչարյանին Մոսկվայից 5 հազար եվրո Երեւան տեղափոխելու հարցում: Պնդում եմ իմ նախաքննական ցուցմունքները:Հիշեցնենք,որ նախաքննության ընթացքում Դավիթ Հարությունյանը պատմել է, որ ինքը Սամվել Բաբայանին անձամբ չի ճանաչել, իմացել է միայն, որ Կարեն Քոչարյանն է նրան ճանաչել: «Կարեն Քոչարյանն ինձ ասաց՝ կեղտոտ փողեր են, ենթադրել եմ, որ գողացված փողեր են: Ես Կարենին ասել եմ, որ կարող են տանել հանձնել բանկին, բայց Կարենն ինձ չի պատասխանել: Ես 5 հազար եվրոյանոց թղթադրամների թանաքոտված լինելու մասին ավտոբուսի վարորդներին չեմ հայտնել, միայն Գոռ Շաբոյանին եմ ասել, որին էլ պատկանում են այդ ավտոբուսները»,- ասել է Դավիթ Հարությունյանը: Վերջինս մեղադրանքը չի ընդունում: Դատական նիստն այսօր հետաձգվեց եւ նշանակվեց հոկտեմբերի 16-ին:
Հետևեք մեզ Viber-ում
