Ընդդիմադիր կանանց՝ իշխանական կանանց հետ շփվելու երեւելի իրողությունն ապահովում է ամերիկյան կառույցը

«Հրապարակ» թերթը գրում է. «ԱՄՆ Միջազգային զարգացման գործակալության կողմից ֆինանսավորվող Ազգային ժողովրդավարության ինստիտուտի հայաստանյան գրասենյակը երեկ հաղորդագրություն է տարածել, որ իրենց նախաձեռնած Կին առաջնորդների միջազգային ակումբի շրջանակներում ԱԺ 3 խմբակցությունների 22 կին պատգամավոր հանդիպել են ՀՀ-ում ԱՄՆ դեսպան Քրիստինա Քվինի եւ ԱՄՆ ՄԶԳ հայաստանյան առաքելության փոխտնօրեն Ռեբեքա Ուայթի հետ։

Ընդդիմ«Կին առաջնորդների միջազգային ակումբը բոլոր 3 խմբակցությունների 22 կին պատգամավորների համար ապահովում է բաց հարթակ՝ խորհրդարանական խմբերի եւ հանձնաժողովների ճնշումներից հեռու։ Այստեղ կին պատգամավորները կարող են փորձի փոխանակում իրականացնել, կատարելագործել իրենց հմտությունները եւ զարգացնել համագործակցությունը կուսակցությունների միջեւ»,- նշված է տեքստում։ Փաստորեն, ԱԺ իշխանական եւ ընդդիմադիր կանանց միմյանց հետ ազատ շփվելուն, համագործակցելուն խանգարում են իրենց քաղաքական ուժերը եւ ԱԺ հանձնաժողովները:

Ասենք՝ «Հայաստան» խմբակցությունում Արմինե Կյուրեղյանին, Ասպրամ Կրպեյանին, «Պատիվ ունեմ»-ում Թագուհի Թովմասյանին թույլ չեն տալիս ԱԺ պատերի ներսում եւ, առհասարակ, շփվել իշխանական տիկնանց հետ, եւ այդ երանելի իրողությունն ապահովում է ամերիկյան կառույցը»:

Առավել մանրամասն թերթի այսօրվա համարում