Որն է կարևոր իրադարձությունն ըստ Աղվան Վարդանյանի

ԱԺ «Հայ Յեղափոխական Դաշնակցություն» խմբակցության քարտուղար Աղվան Վարդանյանի համար շաբաթվա կարևոր իրադարձությունը ցմահ դատապարտված Մհեր Ենոքյանի՝ դատարանում տարած փոքրիկ  հաղթանակն էր: « Մհեր Ենոքյանն արդեն 21 տարի է, ինչ կրում է պատիժը:21 տարվա ընթացքում Մհեր Ենոքյանը դատարանում ունեցավ փոքրիկ հաղթանակ, ինչը պայմանավորված է տվյալ դատավորի մարդ լինելով: Ես հավատում եմ, որ ի վերջո Մհեր Ենոքյանի ճակատագրում փոփոխություն կլինի: Սա ուշագրավ միջադեպ է, փոփոխությունների սկիզբ է»,- ասաց նա: « Մհեր Ենոքյանի` դատարանում տարած հաղթանակը ազդանշան է, որ ՀՀ պետաիրավական համակարգում  փոփոխությունների հիմք է դրվում:Ցմահ դատապարտյալը նույնպես ասում է, որ սա դատական համակարգի անկախացման սկիզբն է»,- շարունակեց նա՝ նկատելով, որ լրատվամիջոցներն այս հարցին ուշադրություն չդարձրեցին: Աղվան Վարդանյանը նշեց, որ առաջիկա ՏԻՄ ընտրություններին Դաշնակցությունը մասնակցելու է: «Նոյեմբերի 5-ին 8 մարզերում` 34 համայնքներում տեղի են ունենալու խոշորացված համայնքների ընտրություններ: Բնականաբար, մենք մասնակցելու ենք, առավելապես մասնակցելու ենք ավագանինների ընտրությանը: Եթե չեմ սխալվում 3-4 խոշորացված համայնքներում ունենք համայնքապետի թեկնածուներ, մյուս տեղերում 2,3, 4 ավագանու թեկնածուներ ենք առաջադրել և մեր մարզային կառույցներն այսօր զբաղված են այդ աշխատանքներով»,- հայտարարեց նա: