Թուրքիայի 15 շրջան հայտարարվել է հատուկ անվտանգության գոտի. Նոր ռազմական գործողություններ
Թուրքիայի Էլյազըղ (պատմական Խարբերդ) նահանգի 15 շրջաններ 15 օրով հայտարարվել են հատուկ անվտանգության գոտի, գրում է ermenihaber.am-ը: Որոշումը պայմանավորված է այդ շրջաններում անցկացվելիք ռազմական գործողություններով։ Էլյազըղի նահանգապետարանի կողմից արված հայտարության մեջ ասվում է. «Ահաբեկչության դեմ պայքարի շրջանակներում անցկացվող օպերացիաների պատճառով, մարդկանց կյանքի և ունեցվածքի անվտանգությունը ապահովելու համար Ալաջաքայա, Արըջաք, Քարաքոչանև Փալու գավառներում 15 շրջաններ15 օրով հայտարարվում են հատուկ անվտանգության գոտի։ Վերոնշյալ ժամանակատվածում անվտանգության նկատառումներից ելնելով, մուտքը այս շրջաններ արգելվում է»։ Թուրքիայի մեկ այլ՝ Քոնիա նահանգում հանրապետական դատախազության հետաքննչական վարույթի շրջանակներում Թուրքիայի իրավապահ մարմինները բազմաթիվ բնակարաններում միաժամանակյա օպերացիա են իրականացրել՝ գյուլենալականների հետ կապ ունեցողներին հայտնաբերելու նպատակում: Որոնողական օպերացիային մասնակցել են ոստիկանության հատուկջոկատայինները, ձերբակալվել է 50 կասկածյալ, նրանց շարքերում կան բուհերի դասախոսներ: Օպերացիան դեռ չի ավարտվել և նշվում է, որ ձերբակալվածների թիվը կարող է աճել:
Հետևեք մեզ Viber-ում
