Իրանը սպառնացել է ԱՄՆ-ին
«Аль-Яум ас-Сабиа» թերթը, վկայակոչելով Իրանի իսլամական հեղափոխության պահապանների գնդի հրամանատար, գեներալ Մուհամմադ Ալի Ջաֆարիի խոսքերը հայտնում է,որ Իրանը կարող է շատ կոշտ պատասխանել ԱՄՆ-ի հնարավոր նոր պատժամիջոցներին, իսկ ամերիկյան բանակին վերաբերել այնպես, ինչպես ԴԱԻՇ ահաբեկչական խմբավորման ուժերին: Նա նախազգուշացրել է ԱՄՆ նախագահ Դոնալդ Թրամփի վարչակազմին Իրանի դեմ նոր պատժամիջոցների սահմանման հնարավոր հետևանքերի մասին։ « ԱՄՆ-ն հեռանում է միջուկային գործարքից, եթե նոր սահմանափակումներ սահմանի Իրանի դեմ։ Եթե պատժամիջոցներն ուժի մեջ մտնեն, ապա ԱՄՆ-ը պետք է իր ռազմաբազաները տեղակայի իրանական տարածքից 2000 կմ հեռու», - ասել է նա,: « Գունդն ամերիկյան բանակին կվերաբերվի՝ ինչպես ԴԱԻՇ ահաբեկչական խմբավորման ուժերին»,-ասել է նա՝ անդրադառնալով այն հայտարարությանը, թե ԱՄՆ-ում Իրանի իսլամական հեղափոխության պահապանների գունը կարող են ահաբեկչական կազմակերպություն ճանաչել։
Հետևեք մեզ Viber-ում
