Մի ահելի և մի ջահելի պատմություն է.շաբաթվա «չիրադարձությունն» ըստ Աղվան Վարդանյանի
«Շաբաթվա իրադարձությունը ցմահ դատապարտյալ Մհեր Ենոքյանի դատավարությունն է:Մենք ունենք դատապարտյալ Մհեր Ենոքյան։ Արդեն 21 տարի բանտում է, երկու անգամ փախուստ է կատարել, մեկ անգամ՝ փախուստի փորձ և այս 21 տարվա ընթացքում առաջին անգամ դատարանում փոքր հաղթանակ է ունեցել, որը նաև տվյալ դատավորի մարդ լինելով է պայմանավորվում։ Հավատում եմ, որ, ի վերջո, իր ճակատագրում փոփոխություն կլինի», - ԱԺ-ում լրագրողների հետ ճեպազրույցում ասաց ԱԺ ՀՅԴ խմբակցության քարտուղար Աղվան Վարդանյանը : Վարդանյանը նշեց, որ ցավում է` այս իրադարձությանը լրատվամիջոցներից միայն մեկն է անդրադարձել։ Աղվան Վարդանյանի բնութագրմամբ՝ շաբաթվա հաջորդ «չիրադարարձությունը» ԱԺ-ում տհաճ տգեղ միջադեպը երկու պատգամավորների միջև: «Նման միջադեպերը ոչ միայն դատապարտելի են, այլև ափսոսանք ու ցավ կարող եմ արտահայտել, որ մարդիկ հաճախ դառնում են չափից ավելի կանխատեսելի։ Մի ահելի և մի ջահելի պատմություն է, չէի ուզենա իրար նմանվեին ու այսքան կանխատեսելի դառնային»։
Հետևեք մեզ Viber-ում
