Ստեփան Սարգսյանի գավաթի խաղարկության բոլոր հաղթողները հայտնի են

Վանաձորում ավարտվեց օլիմպիական խաղերի արծաթե մեդալակիր, Եվրոպայի չեմպիոն, աշխարհի եռակի գավաթակիր Ստեփան Սարգսյանի գավաթի 22-րդ միջազգային մրցաշարը,- տեղեկացնում է ՀԱՕԿ-ի պաշտոնական կայքը: Այսօր հայտնի դարձան նաեւ 61, 70, 86 եւ 125 կգ քաշային կարգերի հաղթողներն ու մրցանակակիրները: Ղազար Համբարձումյանը հավասարը չունեցավ 61 կգ քաշային կարգում, 70 կգ-ում հաղթեց Զաուր Սիդակովը, 86-ում՝ Արթուր Նայֆոնովը ( երկուսն էլ՝ Ռուսաստան): 125 կիլոգրամ քաշային կարգում Ստեփան Սարգսյանի գավաթը նվաճեց Հայաստանի ազգային հավաքականի անդամ Լեւան Բերիանիձեն, որի մրցակից, Վրաստանի ներկայացուցիչ Գիորգի Մեշվլդիշվիլին վնասվածքի պատճառով հրաժարվեց եզրափակիչ գոտեմարտից: Մրցաշարին մասնակցեց հինգ երկրի շուրջ 100 ազատ ոճային ըմբիշ: