Անդրեա Պիռլոն ավարտում է կարիերան

38-ամյա իտալացի կիսապաշտպան Անդրեա Պիռլոն հայտարարել է, որ կավարտի ֆուտբոլիստի կարիերան «Նյու-Յորք Սիթիի» հետ պայմանագիրն ավարտին հասցնելուց հետո:Իտալացին Անդրես Ինիեստային և Խավիի հետ միասին համարվում է իր ժամանակաշրջանի ամենախելացի կիսապաշտպաններից մեկը: Նա կարիերայի ընթացքում հանդես է եկել Ինտերի, Բրեշիայի, Միլանի և Յուվենթուսի կազմերում: Պիռլոյի կարիերայի գլխավոր տիտղոսներն են համարվում Չեմպիոնների լիգան (2003, 2007 թվականներին) և Աշխարհի գավաթը (2006 թվականին): «Ամեն օր ունենում ես ֆիզիկական խնդիրներ, չես կարողանում մարզվել այնպես, ինչպես ցանկանում ես, քանի որ միշտ ինչ-որ խնդիր ունես: Իմ տարիքում եկել է ժամանակն ասելու` բավական է: Ինչ-որ այլ բանով կզբաղվեմ»,- Պիռլո: