«Այս ընտրությամբ կթևակոխենք կինոյի զարգացման նոր փուլ». Արմեն Ամիրյան
«Կինեմատոգրաֆիստների միության նախագահի ընտրությամբ և համագումարով մենք թևակոխում ենք կինոյի զարգացման նոր փուլ: Այս պահին կինոյի զարգացման մասին հայեցակարգն է դրված, շրջանառության մեջ է «Կինոյի մասին» օրենքի նախագիծը: Եվ կարծում եմ՝ նոր նախագահի հետ կկարողանանք ստեղծել կինոյի զարգացման նոր շրջան»,-լրագրողների հետ զրույցում նման համոզմունք հայտնեց ՀՀ մշակույթի նախարար Արմեն Ամիրյանը: «Միությունը այդ շղթայի կարևորագույն օղակներից մեկը:Թեկնածուներից յուրաքանչյուրն էլ արժանի է դառնալու կինեմատոգրաֆիստների միության նախագահ:Համոզված եմ՝ համագումարից և ընտրությունից հետո պատրաստված նախագծերի շնորհիվ մենք իսկապես կունենանք կինոյի զարգացման այլ շրջան: Այն կլինի ինչպես ստեղծագործական առումով վերելքների նոր շրջան, այնպես էլ տնտեսության մեջ կունենա իր կարևոր դերակատարումը: Կկարողանանք ստեղծել հայրենիքի երևակայական պատկերը, որը սովորաբար ստեղծվում է ֆիլմերում»,- եզրափակեց նախարարը:
Հետևեք մեզ Viber-ում
