Մեծ փոփոխություններ «Սպուտնիկի» հայկական ծառայությունում.Ալինա Օրդյանն ազատվե՞լ է աշխատանքից

Դմիտրի Կիսելյովին պատկանող  «Սպուտնիկ»  մեդիահոլդինգը  2015 թվականի հուլիսի 1-ց Հայաստանում  գործարկել է Sputnik Արմենիա գործակալությունը,որն ունի տեղեկատվական պորտալի հայերեն և ռուսերեն տարբերակներ, ռադիո և տեխնիկապես հագեցած մուլտիմեդիոն մամուլի կենտրոն։  Sputnik Արմենիա լրատվական պորտալը 2016 թվականի սեպտեմբերի 1-ի դրությամբ ընդգրկվել է առաջատար առցանց ԶԼՄ-ների ցանկում։ Sputnik Արմենիան Sputnik միջազգային լրատվական գործակալության և ռադիոյի մի մասն է կազմում։ Վերջինը մուլտիմեդիոն տեղեկատվական մասնաճյուղեր ունի տասնյակ երկրներում, կայքեր` ավելի քան 30 լեզվով, անալոգային և թվային ռադիոհեռարձակում, բջջային հավելվածներ և էջեր սոցցանցերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն: Հայտնի է նաև ,որ Sputnik Արմենիան ղեկավարում է հայտնի հեռուստալրագրող Ալինա Օրդյանը,ով նաև   սկսել է «Sputnik Արմենիա. Ալինա Օրդյանի հետ» ամենշաբաթյա առցանց նոր տեսահաղորդման թողարկումը։30-րոպեանոց լուրերի հիմքում ընկած են Հայաստանի քաղաքականության, տնտեսության, մշակույթի և սպորտի ոլորտներին վերաբերող առանցքային իրադարձությունները։ Յուրաքանչյուր կիրակի Երևանի ժամանակով 21։00-ին «Sputnik Արմենիա. Ալինա Օրդյանի հետ» հաղորդումը հասանելի է կայքում և սոցիալական ցանցերում։ Մեր ունեցած տեղեկություններով Ալինա Օրդյանն այժմ արձակուրդում է.նա այլևս չի վերադառնա իր պաշտոնին:Գործակալության ղեկավարությունը որոշել է փոփոխություններ կատարել,այն կղեկավարի Մոսկվայից հրավիրված ռուս  խմբագիրը:Աշխատակիցները ևս կհամալրվեն Ռուսաստանից եկած կադրերով: