«Արա»-ն ուղղված էր դատարանին.Պապիկյանը դատախազին բացարկ հայտնելու միջնորդություն ներկայացրեց

Այսօր Շենգավիթ վարչական շրջանի ընդհանուր իրավասության դատարանում շարունակվեց «Հիմնադիր խորհրդարանի» առաջնորդ Ժիրայր Սեֆիլյանի եւ մյուսների գործով դատական նիստը։ Պաշտպան Արայիկ Պապիկյանը միջնորդեց դատարանին վերացնել դատավորի այն որոշումը, ըստ որի՝ արգելվել էր դատարանում տեսանկարահանում անցկացնել; Նինա Կարապետյանցն էլ ավելացրեց, որ իրենց կազմակերպությունը քսան տարուց ավելի է՝ դատական մոնիտորինգ է ներկայացնում, բայց այսպիսի սահմանափակում երբևէ չեն տեսել, քանի որ միայն պետական գաղտնիք պարունակող և սեռական ոտնձգության դեպքերով գործերն են անցնում դռնփակ; Չնայած պաշտպանների ներկայացրած առարկություններին՝ դատավորը մերժեց միջնորդությունը; Արայիկ Պապիկյանը միջնորդություն ներկայացրեց մեղադրող Պետրոս Պետրոսյանին բացարկ հայտնելու մասին. «Նա նախորդ նիստին «արա»-ով է խոսել, անբարյացկամ վերաբերմունք դրսեւորել։ Պաշտպանը նշեց, որ արա-ն նախ և առաջ ուղղված էր դատարանին և հիշեցրեց, որ շատ հաճախ դատարանն անհարգալից վերաբերմունքի համար որոշ անձանց հեռացնում է նիստերի դահլիճից, իսկ նման դեպքում բավարարվել է միայն նախազգուշացումով; Ըստ Արայիկ Պապիկյանի՝ նման մի դեպք էլ դատախազը դրսևորել է իր պաշտպանյալներից Արայիկ Խանդոյանի նկատմամբ, երբ նրան հայհոյել է Վերաքննիչ քրեական դատարանում: Դատավորը հայտարարեց ընդմիջում` միջնորդության վերաբերյալ որոշում կայացնելու համար։