«Թան էլ չէ, փրթած մածուն». ԱԺ-ում թեժ էր

«Հայաստանի Հանրապետության եւ Ռուսաստանի Դաշնության միջեւ ռազմատեխնիկական համագործակցության զարգացման մասին» հարցի քննարկման ավարտին ԱԺ «Ելք» խմբակցության ղեկավար Նիկոլ Փաշինյանն անդրադարձավ ՀՀԿ-ականների այն հայտարարություններին, թե թուրքը չի փոխվել: «Մեկ ուրիշ հանրապետական էլ ասում ա` էդ ի՞նչ եք խոսում, ձեզ թվում ա` թուրքերը փոխվե՞լ են: Ո՞վ ա ստեղ թուրքերից խոսում, մենք ասում ենք, որ բոլորն են նույնը, մենք չենք ասում` թուրքերը փոխվել են, մենք ասում ենք ռուսներն էլ չեն փոխվել, եվրոպացիք էլ չեն փոխվել, ամերիկացիք էլ չեն փոխվել:Պետք չէ իրենց պատմության դասեր տալ, այլ պատմություն սովորել: Գրքեր կտամ կկարդաք, մի քիչ կրթական ցենզներդ բարձրանա»,- հավելեց նա: «Հիմա եկել, ասում են` C 400-ը չի խփում «Իսկանդերը», Ռուսաստանի տիեզերաօդային ուժերը մեր տրամադրության տակ են լինելու: Թան էլ չէ, փրթած մածուն ձեզ, բա ո՞նց, հեսա օգտվելու եք: Էդ ի՞նչ մոդելի «Իսկանդեր» ա ձեզ վաճառվել և ի՞նչ մոդելի C- 400 ա վաճառել Թուրքիային, գնացեք էդ ճշտեք, նոր խոսացեք, ստեղ անհիմն հայտարարություններ անելու տեղ չի»,- եզրափակեց նա: ԱԺ փոխնախագահ Էդուարդ Շարմազանովն էլ կատակեց. «Դեռ 5 վայրկյան էլ ունեք»: Փաշինյանն արձագանքեց. «Ա, 5 վայրկյանը քեզ լինի»: