Դուք լենինիզմից խոսեք.Փաշինյանն ու Գեղամյանը ԱԺ-ում վիճեցին
ԱԺ-ում այսօր շարունակում է քննարկվել ՀՀ եւ ՌԴ միջեւ ռազմատեխնիկական համագործակցության զարգացման, ռազմատեխնիկայի նկատմամբ վերահսկողության կարգի մասին համաձայնագիրը: Ելք խմբակցության քարտուղար Գեւորգ Գորգիսյանն իր ելույթում հայտարարեց, թե չի հասկանում այս համաձայնագրի դրդապատճառները՝ մեր ինչին է այն պետք. «Եթե դա մեզ պարտադրվել է, ու այն միակ նախապայմանն է, որ մենք կարող ենք զենք ձեռք բերել, հասկանանք: Սակայն, եթե մեր առաջ դրվել է, որ գան տեսնեն մեր զինտեխնիկան որտեղ է, ինչ գործողություններ է կատարում, սա արդեն անընդունելի է: Կասե՞ք՝ ՀՀ շահը որտե՞ղ է, ինչի՞ց է բխում»: «Շատ պրոֆեսիոնալ ղումարբազներ են լինում, որ գլուխ գովալու ժամանակ ասում են՝ մեկ մեշոկ ցորեն ունենաս ձեռքիցդ հատիկ-հատիկ կտանեմ: Վերջին 25 տարվա ընթացքում նման պայմանագրերով Ռուսաստանը մեր իշխանությունը մեր ձեռքից հատիկ-հատիկ տանում է: Ինչ է նշանակում այս համաձայնագիրը, որ Ռուսաստանը պետք է գա ու վերահսկի, թե մեզ մատակարարված իսկանդերը տեղու՞մ է, թե՞ չէ: Սա մի մեխանիզմ է, որի ժամանակ իսկանդերը օգտագործելիս պետք է մի հատ զանգես, ճշտես, հա կասեն, թե՝ չէ: Մենք մինչեւ հիմա ապացույց չունեցանք, որ նման վերահսկողություն Ռուսաստանն ունի նաեւ Ադրբեջանում: Այստեղ կարծիքներ են հնչում, որ էլ ասելու չէ: Արտաշես Գեղամյանը կոմունիստական կուսակցության եւ ազգային միաբանության անդամ, ասում է՝ Արաքսն անցնենք, մտնենք Մուշ, Արդահան: Պարոն Գեղամյան, դա դաշնակցության խոսքերն է, ինչ գործ ունեք Արդահանի հետ, դուք խոսեք լենինիզմի, մարքսիզմի մասին»,- «Ելք» խմբակցության ղեկավար Նիկոլ Փաշինյանն անդրադառնալով այն փաստաթղթերին: Փաշինյանի այս խոսքերից բռնկվեց Արտաշես Գեղամյանը: Վերջինս տեղից ինչ-որ խոսքեր բացականչեց, որը լսելի չէր:
Հետևեք մեզ Viber-ում
