Լա՛վ, կա՞ մի բան, որ դուք պատրաստ եք չզիջել․ Աննա Գրիգորյանը՝ Փաշինյանին (video)
ԱԺ-ում հարցուպատասխանի ժամանակ ԱԺ «Հայաստան» խմբակցության պատգամավոր Աննա Գրիգորյանը, դիմելով Փաշինյանին, ասաց. «Զոհաբերեցիք Արցախը, ադրբեջանական ուժերը շարունակում են մնալ Ջերմուկում, Ներքին Հանդում եւ մնացած օկուպացված հատվածներում: Հետո էլ ասում էիք՝ խաղաղությունը շատ մոտ է, հիմա կգնանք, կկնքենք պայմանագիր, նաեւ ասում էիք՝ երեք սկզբունքների շուրջ ձեռք եք բերել համաձայնություն՝ տարածքային ամբողջականություն, սահմանազատման մասին սկզբունքներ եւ կոմունիկացիաների ապաշրջափակում: Բայց հիմա Ալիեւն ասում է՝ որտեղ կանգնել եմ, ընդհանրապես չեմ պատրաստվում դուրս գալ: Ալիեւը պահանջներ է ներկայացնում, որեւէ կետում զիջման չի գնում, դուք բոլոր այն հարցերը, որոնք համարում էիք կարմիր գեր, բոլորը զիջել եք: Սահմանազատման շուրջ որեւէ սկզբունքի վերաբերյալ համաձայնություն չկա, ապաշրջափակման մասին խոսք չկա: Դուք զիջում եք ամեն ինչ, Ալիեւը չի զիջում ոչինչ: Ցույց տվեք մի կետ, որտեղ պատրաստ եք մինչեւ վերջ կանգնել ու չզիջել, եւ ցույց տվեք մի կետ, որտեղ Ալիեւը պատրաստ է գնալ զիջման»:
Ի պատասխան վարչապետն ասաց. «Ես պաշտոնական Բաքվից հնչող հայտարարություններին արձագանքել եմ ամբողջական, արձագանքեցի նաեւ այսօր այստեղ, դրան ավելացնելու բան չունեմ:
Աին, ինչ ասում եք՝ իրականությանը չի համապատասխանում: Ուրիշ բան, որ դուք ուզում եք, որ այդպես լինի, որովհետեւ այդպես լինելու հույսն է ապահովում ձեր քաղաքական գոյությունը, եթե դա կա որպես իրողություն:
Հետևեք մեզ Viber-ում
