Մենք կարոտ ենք հաղթանակների. Արթուր Պետրոսյան
Ֆուտբոլի աշխարհի առաջնության ընտրական մրցաշարի Հայաստան-Լեհաստան խաղից առաջ Հայաստանի ազգային հավաքականի գլխավոր մարզիչ Արթուր Պետրոսյանը հայտարարել է, որ բացակա ֆուտբոլիստներ կան եւ այդ բացը պետք է աշխատեն լրացնել, իսկ այն տղաները, որոնք խաղալու շանս կստանան, կփորձեն լավ խաղ ցուցադրել եւ օգնել թիմին: «Տղաներին մոտիվացնելու կարիք չկա, ամեն մի հաղթանակ մեզ համար դրական էմոցիաներ է ու մեկ քայլ առաջ: Ֆուտբոլիստները հասկանում են, թե ինչ է մեզ համար դա նշանակում, մենք կարոտ ենք հաղթանակների: Մենք այն հավաքականներից չենք, որը շատ հաղթանակներ է տանում: Եթե լեհերի ուժեղ թիմին հաղթենք, հայկական ֆուտբոլի համար մեծ հաջողություն կլինի, վերջին տասը տարիներին նրանք այսպիսի ուժեղ թիմ չեն ունեցել», -ասել է Արթուր Պետրոսյանը:
Հետևեք մեզ Viber-ում
