«Հոկտեմբերի 6-ի զորավարժությամբ Հայաստանը կանխում է Ադրբեջանի ագրեսիան»
Հավաքական անվտանգության պայմանագրի կազմակերպությունը հոկտեմբերի 6-ին լայնամասշտաբ զորավարժություն կանցկացնի Հայաստանում։ Մասնակիցները ռազմական դաշինքի անդամ երկրներն են։ Այս զորավարժությունների նպատակն է՝ բարելավել ՀԱՊԿ-ի ղեկավարման համակարգը, իսկ ՀԱՊԿ կանոնադրության 4-րդ կետի համաձայն՝ կազմակերպության նպատակն է՝ կանխել ագրեսիան անդամ-պետությունների հանդեպ: Այս մասին հայաստարում է Հայաստանի Պաշտպանության նախկին նախարար Վաղարշակ Հարությունյանը։ «Մեր ազգային բանակը ուժեղանում է, Հայաստանը դրանով կանխում է ագրեսիան՝ բանակի մարտունակությամբ և այս ուժի ցուցադրումով։ Իսկ զորավարժությունն ուժի ցուցադրում է»։ Հարցին, Ադրբեջանի մոտ անհանգստություն չի՞ առաջացնի այս զորավարժությունը, պատասխանեց․ «Մենք պետք է գիտակցենք, որ զորավարժությունը նաև կարելի է օգտագործել հարձակման համար, որովհետև զորավարժության ժամանակ կուտակում ես տեխնիկա, բարձրացնում ես բանակի մարտունակությունը և դրանից հետո կարող ես հարձակվել: Դրա համար, եթե Ադրբեջանն է զորավարժություններ անցկացնում, մենք արձագանքում ենք»։
Հետևեք մեզ Viber-ում
