Երկուսն էլ ծերացած են.Արամ Մանուկյանը՝ ՀՀԿ-ՀՅԴ համագործակցության մասին

ԱԺ ճեպազրույցների ժամանակ, անդրադառնալով, թե ինչ դրական պտուղներ կարելի է քաղել ՀՅԴ-ՀՀԿ համագործակցությունից, ԱԺ ՀԱԿ խմբակցության քարտուղար Արամ Մանուկյանը հայտարարեց.«Եթե առաջին ամուսնությունից սեր չծնվեց, երկրորդ ամուսնությունից, առավել ևս, սեր չի ծնվի: Այդ համագործակցությունից ինքը թե՛ որպես պատգամավոր, թե՛ որպես ՀՀ քաղաքացի, ոչ մի սպասելիք չունի: Երկուսն էլ ծերացած են, բան չի ստացվի»,- ասաց նա: «Այդ համագործակցությունը լուրջ չի թվում:Այդ քաղաքական ուժերը անլրջացնում են քաղաքական դաշտն ամբողջությամբ:Դաշնակոցության ուսերին թևեր են աճել, հիմա էլ որոշել է պայքարել»,- ասաց ՀԱԿ պատգամավորը՝ շարունակելով, որ այսօր քաղաքական դաշտը ձևավորվում է «բլեֆի» վրա: Իբր քիչ են հիասթափեցրել, հիմա էլ որոշել են ավելի հիասթափեցնել: Սա լուրջ չէ, և ոչ ոք այլևս այդ ուժերին չի հավատում: Հասարակություը բլեֆի վրա է ապրում: Ինձ հետաքրքրում է, թե ինչ սկզբունքով որոշեցին նախարարներին ու մարզպետներին հեռացնել: Վա՞տ էին աշխատում»,- նշեց ընդդիմադիր պատգամավորը: Աստղիկ Ավագյան