Չեխիայի Սենատի նախագահը՝Ադրբեջանին զենքի վաճառքի մասին

«Չեխական զենքերն Ադրբեջանին Չեխիայի Հանրապետությունը չի վաճառել Չեխիայի հանրապետությունը հարգում է այն էմբարգոն, որը դրված է այդպիսի վտանգավոր երկրների վրա և չեմ հասկանում, ինչպես են չեխական զենքերը հասել Ադրբեջան, բայց հավաստիացնում եմ, որ Չեխիայի իշխանություններն ու կառավարությունը դրան համաձայնություն չեն տվել», - , խորհրդարանում ԱԺ նախագահ Արա Բաբլոյանի հետ հանդիպմանը հայտարարեց Չեխիայի Հանրապետության խորհրդարանի Սենատի նախագահ Միլան Շտեխը։ Անդրադառնալով Արցախյան հիմնախնդրի լուծմանը՝ նա ասաց, որ կողմնակից է միայն մեկ տարբերակի՝ դա Մինսկի խմբի շրջանակներում հարցի խաղաղ կարգավորման լուծումն է: «Այնպիսի գերտերությունները, ինչպիսին ԱՄՆ-ն, Ռուսաստանն ու Ֆրանսիան են, պետք է կարողանան ապահովել խնդրի խաղաղ ու արդար լուծումը», հավելեց նա: