Իլիա Ճիղլաձեն Գումբուրդոյի բախումների մեջ մեղադրում է Վիրահայոց թեմի առաջնորդին
Հայակական ժամանակը գրում է. «Վրաց հոգևորական, երեց Իլիա Ճիղլաձեն ՖԲ իր էջում անդրադարձել է սեպտեմբերի 30-ին հայաբնակ Գումբուրդո գյուղում տեղի ունեցած իրադարձություններին և դրանում մեղադրել Վիրահայոց թեմի առաջնորդ Տեր Վազգեն եպիսկոպոս Միրզախանյանին: Այս մասին գրում է Aliq.ge-ն: «Ծանոթացեք Վրաստանի թշնամու և Ջավախքի յուրացման գաղափարախոսի, Թբիլիսիում ապրող Կայիափայի ժառանգի հետ: Վիրահայոց թեմի առաջնորդ եպիսկոպոս Վազգեն Միրզախանյանն է, որը պատասխանատու է Գումբուրդոյի միջադեպի համար, որպես հոգևոր առաջնորդ և խրախուսող: Նախորդ ամիսների ընթացքում գրել եմ, որ Վիրահայոց թեմի պաշտոնական կայքում Գումբուրդոյի եկեղեցին որպես հայկական է ներկայացված: Այնպես որ, Գումբուրդոյի անտեղյակ ժողովրդին այս սևազգեստ փարիսեցին է խրախուսում: Չնայած այն հանգամանքին, որ մի քանի ամիս առաջ բարձրաձայնել եմ Վիրահայոց թեմի հակավրացական նյութերի առկայության մասին, որևէ փոփոխություն տեղի չի ունեցել: Ակնհայտ է, որ Վրաստանի պատկան մարմինները բավարար ակտիվությամբ միջոցներ չեն ձեռնարկում: Փոխարենը ակտիվորեն գործում են էթնիկ և կրոնական ատելություն տարածող և խրախուսող եպիսկոպոս Միրզախանյանը և նրա եղբայրները»,- գրել է վրացի հոգևորականը»,-գրում է թերթը: Նյութն ամբողջությամբ կարդացեք թերթի այսօրվա համարում:
Հետևեք մեզ Viber-ում
