...որ Գլխավոր դատախազը լիազորություն չունենա՝փողոցից մեկին գտնի ու բերի նշանակի

«Պետական շահերի պաշտպանության հայց ներկայացնելը դատախազության դասական լիազորությունը չէ, թեպետ խորհրդային շրջանին բնորոշ էր:Բայց ժամանակակից դատախազության դեպքում, բացի քրեադատավարական ոլորտից, հնարավորինս այլ լիազորություններ կրճատվում են, և դա չի նշանակում, որ հանրային իշխանության այլ մարմիները նման գործառույթ պետք է չունենան:Նոր կարգավորումներում հստակ սահմանվում է, որ օրենքով սահմանված բացառիկ դեպքերում դատախազությունը կարող է պետական շահերի պաշտպանության հայց ներկայացնել »,- «Դատախազության մասին» օրենքի նախագծի քննարկման ժամանակ ասաց Ազգային ժողովի Պետա-իրավական և մարդու իրավունքների մշտական հանձնաժողովի նախագահ Հրայր Թովմասյանը: «Դատախազությունն իր սահմանված լիազորություններից դուրս գործառույթ իրականացնելու հնարավորություն չունի:Չի կարող գնալ, հսկել՝ կա վնաս ու դատարան դատական հայց ներկայացնել, եթե իր լիազորություններում չի հայտնաբերել»,-ասաց նա: «Կիսում եմ  այն մտահոգությունները, որոնք վերաբերում են տեղակալների նշանակմանը: Պետք է արդյունավետ լուծում գտնենք, որ Գլխավոր դատախազը չունենա բացարձակ լիազորություն, որ փողոցից մեկին գտնի ու բերի նշանակի:Հարցերը մշակման փուլում են, և հնարավոր է՝ առաջինից երկրորդ ընթերցման ընթացքում լուծում ստանան»,-ասաց նա և հավելեց, որ պետք է գտնել որոշակի հայեցողություն թեկնածուներին ընտրելու: