Մահեր բանակում․ Սպասվում է Նիկոլի հաջորդ այցը․ Տիգրան Չոբանյան (video)
«Հայոց ազգային գվարդիայից» Տիգրան Չոբանյանը Հայելի ակումբի ուղիղ եթերում անդրադարձել է մեկ օրվա ընթացքում բանակում երկու մահերին, Փաշինյանի մարզային այցերին, Ալիևի նոր սպառնալիքներին ու Հայաստանին սպասվող լրջագույն վտանգներին։
«Այս դեպքերը առաջին անգամ չեն, անցած տարի ևս նման դեպքեր արձանագրվել են բանակում և ինձ մոտ ձևավորվում է հստակ մի համոզմունք առ այն, որ վերացնում են այն վկաներին, որոնք կարող էին լույս սփրել հերթական դավաճանական գործողությանը, այս մարդիկ չեն դարձել նման գործողության մաս և ստացել են իրենց պատժաբաժինը և քանի որ հանրությունն էլ ոչ մի կերպ չի արձագանքում այս դեպքերին, նույնիսկ ծնողները չեն լինում պահանջատեր, որպեսզի բացահայտվեն և ամենայն մանրամասնությամբ ներկայացվեն թե ինչպես են տեղի ունեցել այս մահերը՝ ես վստահ եմ, որ այս դեպքերը շարունակվելու են ավելի ինտենսիվ և ավելի մեծ քանակությամբ, սա է իմ տեսակետը»։
Շարունակերլով իր ելույթը պարոն Չոբանյանը անդրադարձավ Փաշինյանի մարզային այցերին և հատկապես՝ ՊՆ նախարար Սուրեն Պապիկյանին. «Ես կարծում եմ, որ այս մահերի ֆոնին Սուրեն Պապիկյանին ոչինչ էլ չի սպասվում, որովհետև ինչ-որ սպասելիքներ դեռևս անցած տարի պետք է լինեին։ Ինչ վերաբերում է մարզային այցերին և հրաժարականներին պետք է նշեմ, որ այս գերագույն թշնամին, որը իրականացնում է նման ծիծաղելի շոուներ և չնչին պատճառաբանություններով պաշտոնից ազատում մարզպետների, պատահական չեն, իհարկե այստեղ հարց է առաջանում թե ո՞րն է այս շոուի պատճառը, իսկ ես ձեզ կասեմ, որ սա շատ լուրջ վտանգներից մարդկանց շեղելու և այլ ուղղությամբ կենտրոնացնելու համար է արվում։ Այս պահին Փաշինյանը նորից է խոսում զորքերը հայելային հետ քաշելու մասին՝ իբրև թե խաղաղության օրակարգի շրջանակում և ես ձեզ վստահեցնում եմ, որ ինքը դա նորից է անելու՝ առաջինը իր բարի կամքը դրսևորելու համար, ինչի արդյունքում էլ թուրքերը նորից կունենան նվաճումներ՝ այս անգամ արդեն Զանգեզուրում։ Սրա ավելի վատ հետևանքը լինելու է կարճ ժամանակահատվածում Հայաստանի ամբողջությամբ վերացումը»։
Մանրամասները՝ տեսանյութում․
Գոհար Պողոսյան
Հետևեք մեզ Viber-ում
