Չե՛նք հանդուրժելու, ավելի ենք բարդացնելու իրավիճակը․ Տիգրան Ավինյան (video)
Մյասնիկյան պողոտայում առկա է շուրջ 25 հա կանաչապատման ենթակա տարածք, Երևանի քաղաքապետարանի գործակարգավորական նիստի ժամանակ ասաց «Կանաչապատում և շրջակա միջավայրի պահպանության» ՀՈԱԿ-ի տնօրեն Արմեն Բեգոյանը։
«Մի քանի խնդիր ենք արձանագրել․ տարածքում առկա են հողազավթման դեպքեր, ցանկապատված են տարածքներ, որոնց վրա շինություններ չկան։ Շինություններ կան, որտեղ 8 ընտանիք է բնակվում: Մեր կազմակերպությունն ի զորու է իրականացնել թե՛ սանիտարական, թե՛ ոռոգման ջրագծերի անցկացման աշխատանքները։ Ծառատունկը հնարավոր կլինի իրականացնել կա՛մ աշնանը, կա՛մ հաջորդ տարվա գարնանը»,- ասաց Արմեն Բեգոյանը։
Նա նշեց, թե ամենամեծ խնդիրը զավթած տարածքներն են։
«Կարծում եմ՝ զավթված տարածքների դարաշրջանն արդեն ավարտվել է: Այլևս չենք հանդուրժելու «բախչաները», «քոլիկները» և ապօրինի շինարարությունները: Ինձ համար տարբերություն չկա՝ համայնքային բյուջեից են փող գողանում, թե համայնքային հողերն են գողանում։ Հետևաբար՝ այդտեղ բանակցելու շատ լայն դաշտ չունենք, այդտեղ ունենք գործելու դաշտ», - ասաց Ավինյանը։
Հետևեք մեզ Viber-ում
