«Տղերք, ձե՞ռ եք առնում» Ռուսական խրամատում նստել եք, մե՞զ եք ասում՝ խրամատում մի նստեք». Արամ Սարգսյան
ԱԺ հայտարարությունների ժամին այսօր ելույթ ունեցավ նաեւ «Ելք» խմբակցության պատգամավոր Արամ Սարգսյանը: Նա շատ կարևոր է համարում այսօր ԱԺ-ում «Ելք»-ի կողմից բարձրացված հարցը, և նման հարցերը 2 ժամում չեն քննարկում: «Ուզում եմ հակադարձել պարոն Աշոտյանին, որ նման հարց քննարկելու համար պետք է հանձնաժողով ստեղծել: Հերիք է՝ մի գիշերվա մեջ որոշումներ կայացնենք: Խոսվում է խրամատներից, Արևմուտք-Ռուսաստաններից… Տղերք, ձե՞ռ եք առնում: Ռուսական խրամատում նստել եք, մե՞զ եք ասում՝ խրամատում մի նստեք: Որևէ պարագայում երբևէ հակադրվե՞լ եք Ռուսաստանին, եղե՞լ է ինչ-որ հարց, որի դեպքում Ռուսաստանին «ոչ» ասեք: Չի եղել նման բան»,- հայտարարեց Արամ Սարգսյանը: նա նաև օրինակ բերեց ուկրաինային, որ գրեթե պատերազմի մեջ է Ռուսաստանի հետ, սակայն գազի գինը նույնն է, ինչ Հայաստանում, այն դեպքում, երբ Հայաստանն այլընտրանք ունի: «Գազի գինն եք պատճառաբանում այն դեպքում, երբ մենք ունենք այլընտրանք՝ Իրան, սակայն ռուսական կողմը թույլ չի տալիս գնալ այդ քայլին»,- ասաց նա:
Հետևեք մեզ Viber-ում
