Կարո՞ղ եք նախագիծ ներկայացնել, որ Ղարաբաղն էլ մտնի ԵՏՄ. Սասուն Միքայելյանը՝ ՀՀԿ-ին
ԵԼՔ խմբակցության պատգամավոր Սասուն Միքայելյանն այսօր ԱԺ ամբիոնից կոչ արեց այս կամ այն թեմայի մասին խոսելիս չշահարկել ապրիլյան պատերազմը, քանի որ զոհեր ենք ունեցել։ Սասուն Միքայելյանը նշեց, որ տարիներ շարունակ եղել է ԱԺ-ում և գիտի` եթե ՀՀԿ-ն ուզում է մի հարց ջրվի, չկայանա, հանձնաժողով է ստեղծում, օրինակ` մազութի գործով, հոկտեմբերի 27-ի գործով և այլն. «Հիմա մենք ասում ենք` իսկապես համախմբվենք, իրավիճակը խորանում է, դուրս գանք էս վիճակից, քննարկման առարկա դառնա հարցը։ Իմ մտավախության թիվ մեկ հարցը անվտանգության հարցն է և առաջին հերթին Ղարաբաղի հարցը: Հիմա հարց եմ տալիս իշխող կուսակցությանը` կարո՞ղ եք նախագիծ ներկայացնել, որ Ղարաբաղն էլ մտնի ԵՏՄ»: Ըստ նրա՝ սա մեսիջ է, որը պետք է զգաստացնի բոլորին: «Շուրիկի արկածների պես ինչ ասում ենք, ասում եք` Я: Մենք ԵՏՄ անդամ պետություն ենք, որպես պետություն պիտի հանդես գանք, ոչ թե որպես կամակատար: Մենք հաղթեցինք պատերազմը, հիմա ասում ենք՝ բերեք համախմբվենք, էս իրավիճակից դուրս գանք, ավելի խորանում է»,- հայտարարեց նա:
Հետևեք մեզ Viber-ում
