Նախարարությունների 142 նախկին աշխատակից կձերբակալվի

Թուրքական «Անադոլու» գործակալությունը հայտնում է,որ Անկարայի հանրապետական դատախազությունը գյուլենականների դեմ իրականացվող հետաքննության շրջանակում 142 անձի ձերբակալելու որոշում է կայացրել՝որոնցից 116-ը Թուրքիայի կրթության նախարարության, իսկ 21-ը՝ երիտասարդության և սպորտի նախարարության աշխատակիցներ են:Նրանք բոլորը եղել են ByLock հավելվածի օգտատերեր: Թուրքիայի ազգային հետախուզական ծառայությունը վերծանել էր ByLock հավելվածը, որի օգնությամբ ենթադրվում է, որ գյուլենական շարժման անդամները շփվել են միմյանց հետ: Ըստ թուրքական հետախուզական ծառայության տվյալների` ծրագրի միջոցով հաստատվել է Գյուլենի ավելի քան 53 հազար կողմնակցի ինքնություն: