ՄԱԿ-ի ԱԽ-ն Սիրիային նվիրված երեք հանդիպում կանցկացնի
ՄԱԿ-ի ԱԽ-ում նախագահող ՄԱԿ-ին առընթեր Ֆրանսիայի մշտական ներկայացուցիչ Ֆրանսուա Դելատրը հայտնել է,որ ՄԱԿ-ի Անվտանգության խորհուրդն այս ամսվա ընթացքում կանցկացնի Սիրիային նվիրված երեք հանդիպում, որոնցից մեկը կնախորդի Դամասկոսի եւ ընդդիմության միջեւ ժնեւյան բանակցությունների նոր փուլին: « Սիրիական թեման ավանդաբար կարեւոր տեղ կզբաղեցնի ԱԽ-ի օրակարգում: Անվտանգության խորհուրդը երեք հանդիպում կանցկացնի, որոնք նվիրված կլինեն Սիրիային:Դրանցից առաջինը տեղի կունենա հոկտեմբերի 4-ին եւ նվիրված կլինի քիմիկան զենքի կիրառման հետ կապված իրադրությանը »,-ասել է դիվանագետը: Երկրորդ անգամ ԱԽ-ն սիրիական թեման քննարկելու համար կհավաքվի հոկտեմբերի 26-ին: Նիստը կանցկացվի ՄԱԿ-ի գլխավոր քարտուղարի՝ Սիրիայի խնդրով հատուկ դեսպանորդ Ստաֆան դե Միստուրայի մասնակցությամբ, որն ավելի վաղ հայտարարել է, թե Դամասկոսի եւ ընդդիմության միջեւ բանակցությունների հերթական փուլը կգումարի նոյեմբերի սկզբից ոչ ուշ: Սիրիայի շուրջ եւս մեկ հանդիպում պլանավորված է հոկտեմբերի 30-ին: Դրա ընթացքում կքննարկվի երկրի հումանիտար իրադրությունը, որը, ինչպես հայտարարել է Ֆրանսիայի մշտական ներկայացուցիչը:
Հետևեք մեզ Viber-ում
